**************************
मला वेड लागलंय
हा दावाच तकलादू आहे
मी वेड्यासारखा वागतोय
ही तर प्रेमाची जादू आहे!
**************************
प्रेमात मी अजूनी झालो कुठे शहाणा ?
स्वप्नांत राहणारा मी जाहलो दिवाना !!
झालेत मग्न सारे आपापल्या सुखांशी .....
सांगू तरी कुणाला इश्कातला तराणा ?!
टाळी कधीच एका हाती न वाजली रे
प्रेमात हाच यावा तजुर्बा जुनापुराना !!!
ती राहते जिथे ती धरती सुपीक व्हावी
माझ्या ललाटरेषी यावा तिचा विराणा.
व्याकूळ जीव झाला यावेस तू समोरी
चंद्रा अमावसेचा आता पुरे बहाणा !!!
स्वप्नातल्या परीचे ठाऊक नाव नाही
अंदाज बांधुनी मी घेऊ कसा उखाणा ??
"प्रेमात मी अजूनी झालो कुठे शहाणा?"(गझल)
Info Post
0 comments:
Post a Comment
Click to see the code!
To insert emoticon you must added at least one space before the code.