मनपाखरू माझे,
तुझ्याकडे यायला उडे,
त्याचवेळी नेमके,
मर्यादांचे कुंपण पड़े !!
चल सख्या दूर जाऊ,
क्षितिजाच्या पलिकडे,
नसतील जिथे आपल्याभोवती,
मर्यादांचे कड़े !!
असेल केवळ निरभ्र आकाश,
आणि असेल शांततेचे कोडे,
पडतील तेव्हा अंगावरती,
चांदण्यांचे सडे !!
हात हाती घेउनी,
डोळ्यात डोळे घालू गडे,
आज करू या मोकळी,
आपल्या भावनांची कवाडे !!
0 comments:
Post a Comment
Click to see the code!
To insert emoticon you must added at least one space before the code.