थांब सख्या सोड हात

थांब सख्या सोड हात सरली रे चांद रात
आलो किती दूरवर उघड नयन टाक नजर

तुडवीत आलो सख्या रे किर्र काजळी रात
पडता कानी तुझी रे हळवी मधुर साद
परी आता जाऊदे रे सोड ते कंकणीकर
आलो किती दूरवर उघड नयन टाक नजर

फुलफुल उमलले आली पौर्णिमा नभात
लक्ष लक्ष चांदणे दाटले तुझ्या माझ्या मनात
परी आता जाऊ दे रे नभी आला भास्कर
आलो किती दूरवर उघड नयन टाक नजर

झूलवलेस हिंदोळ्यात शरदाच्या चांदण्यात
उतरली जणू वेणू तुझीच रे अंबरात
परी आता जाऊ दे रे विरले माझे नुपूर
आलो किती दूरवर उघड नयन टाक नजर

तुझसाठी सख्या रे मागे सांडले नातगोत
देशील ना रे हरघडी प्रीत अशी ओतप्रोत
नको कधी देऊ सख्या पानगळीचा शिशिर
आलो किती दूरवर उघड नयन टाक नजर